Дубайда дунёдаги биринчи экологик хавфсиз масжид очилди

Дубай электр энергетика ва сув таъминоти бошқармаси (ДЕWА) АҚШдаги Экологик қурилиш кенгашидан 83 балл олган дунёдаги биринчи масжидни очди.

Islam.ru хабарига кўра, Ҳатта шаҳридаги масжид экологик хавфсизликнинг энг юқори стандартларига мувофиқ 600 дан ортиқ намозхонларни 1050 квадрат метр майдонга сиғдира олади.

"Барча лойиҳа ва ташаббусларимизда барқарорлик ва самарадорликнинг энг юқори стандартларига риоя қилишга интиламиз. Бу, вице-президент, бош вазир ва Дубай ҳукмдори Шайх Муҳаммад бин Рашид Ал Мактум томонидан бошланган 2040 йилгача бўлган даврда Дубай Бош ривожланиш режасига мувофиқ келади", - деди Саид Муҳаммад Ал Тайер, MD ва DEWA бош директори.

Масжид мажмуасида баландлиги 25 метр бўлган миноралар, автомобиллар ва мопедлар учун машиналар қўйиш жойи, зарядловчи станция, шунингдек, диний бинода "Қатъиятли одамлар" (People of Determination) учун барча шароитлар яратилган (Амирликлар "имконияти чекланган одамлар" сўзи ўрнига ногиронларни айнан шундай чақиришга қарор қилган).

Масжид электр энергияси ишлаб чиқариш учун қуёш панеллари, шунингдек, ишлатилган сувни тозалаш ва қайта ишлаш учун ускуналар билан жиҳозланган.

Ўзбекистон мусулмонлари идораси матбуот хизмати