Insonlarga nisbatan kechirimli bo'lish islom dini ko'rsatmalaridan biri

   Bismillahir Rohmanir Rohiym, avvalambor Allohimizga cheksiz hamdlar, payg'ambarimiz Muhammad Mustafo sollallohu alayhi vasallamga salovatu salomlar bo'lsin deb, bugun sizlar bilan islomda kechirimlilik ahamiyati, o'rni va darajasi haqida ozmi-ko'pmi bo'lishib, eslab olamiz. Payg'ambarimiz sollallohu alayhi vasallamga vahiy tushushi milodiy 610-yillarda yuz bergan, bu voqeani islomning qayta tiklanishi deb olsak, chunki bu davr va zamonlar jaxolat, zulm, qaysidur ma'noda botqoqlik davri bo'lgan. Islom bu davrda poklik, ota-onaga hurmat, bolalarga shavqat, oila va turmush odoblarini olib kirdi. Mana, nechi asr o'tib ham bu odoblar bizga hali-xanuz turmush va hayotimiz farovonligi yo'lida dastak bo'lib kelmoqda. Insonlarga nisbatan kechirimli bo’lish ham islom ko’rsatmalaridan biridir! Bu foniy dunyoda hammamizning manzili, so’nggi birdir, shunday ekan ahli oilamizga, qo’ni-qo’shnimiz, qarindoshlarimiz, qo’l ostimizdagi (ishchilar) ga nisbatan hush muomala va kechirimlli bo’lishimiz musulmonchiligimizning bir bo’lagidir. Alloh taolo Qur’oni karimning bir qancha oyati karimalarida bandalarini bir-birlarining xato va kamchiliklari va ayb-nuqsonlarini kechirishga buyuradi. Jumladan:ya'ni: “Agar sizlar afv etsangiz, koyimasangiz va kechirsangiz, u holda, albatta, Alloh (ham sizlarga nisbatan) mag‘firatli va rahmlidir” (Tag‘obun surasi 14-oyat).

ya'ni: “Bas, kimki afv etib (o‘rtani) tuzatsa, bas, uning mukofoti Allohning zimmasidadir. Albatta, U zolim (tajovuzkor)larni sevmas” (Shuaro surasi 40-oyat).
ya'ni: “(Ular) g‘azablarini yutadigan, odamlarni (xato va kamchiliklarini) afv etadiganlardir. Alloh ezgulik qiluvchilarni sevar” (Oli Imron surasi 134-oyat).
     Bu oyati karimalardan ko’rinib turibdiki Alloh taolo bizni, kechirimli, rahmli va halimli bo’lishga buyurib, mukofotini o’zidan olishimizni takidlayabdi. Allohning mukofoti esa naqadar betakror, ulug’dir. Kechirish mukofoti kechirilishdur.
     Payg'ambarimiz sollallohu alayhi vasallam ham: “Kimki qodir bo’la turib, g’azabini yutsa, Alloh taolo Qiyomat kuni uni chaqirib, butun xaloyiq oldida shaxlo ko’zli hurlardan xoxlaganicha olishga ixtiyor beradi”(Imom Termiziy va Imom Abu Dovudlar rivoyatlari)
     Kechirimli bo’lish ulkan savob va Jannatga kirish uchun sababhamdur, bu haqda Rasulimiz:
     Qiyomat kuni bo’lganda bir jarchi nido qiladi: “Odamlarga kechirimli Bo’lganlar qayerda? Parvardigoringizni huzuriga kelinglar va savobingizni olinglar! Qaysi bir musulmon kechirimli bo’lsa, Jannatga kirishlikka haqlidir.” (Imom Ibn Murdavayh rivoyatlari)
     Payg’ambarimiz sollallohu alayhi vasallamning xulqlari sifati ham, Oisha onamizdan, Imom Termiziy va Imom Ahmadlar orqali shunday rivoyat qilingan:
     “Rosululloh sollallohu alayhi vasallam fahsh ishlarni qiluvchi, fahsh so’zlarni so’zlovchi va bozorlarda baqir-chaqir qilib yuruvchi inson emasdilar. Yomonlikka yomonlik bilan javob qaytarmas edilar, balki avf etib, kechirib yuborar edilar”
      Bundan ko’rinib turibdiki kechirimli bo’lishni payg’ambarimiz bizga hayoti orqali tadbiq qilib ham ko’rsatganlar.
      Xulosa qilib aytadigan bo’lsak kechirimli bo’lish oliy fazilat va jannat tomon, Allohni rahmati tomon yo’ldir. Shunday ekan bir-birimizga nisbatan adovat va gina saqlamay kechirimli bo’laylik.