Бангладешлик зиёратчиларни транзит қилиш учун Ўзбекистон сайёҳлик инфратузилмасидан фойдаланиш режалаштирилмоқда

Дакка шаҳрида Ўзбекистон Бош вазирининг ўринбосари, Инвестициялар ва ташқи савдо вазири Жамшид Ходжаевнинг Бангладеш Бош вазири Шайх Хасина Вазед билан учрашуви бўлиб ўтди, деб хабар қилмоқда “Дунё” АА мухбири.

Унда транспорт ва туризм соҳасидаги ҳамкорликни фаоллаштириш чора-тадбирларига алоҳида эътибор қаратилиб, "Тошкент – Дакка – Тошкент" йўналиши бўйича тўғридан-тўғри ҳаво қатновини тиклаш истиқболлари бўйича фикр алмашилди. Мулоқотда ўзаро алоқаларнинг кенгайиши йўловчилар ташиш ҳажмини ошишига ҳамда маданий ва туристик алмашинув имкониятларининг яхшиланишига олиб келиши таъкидланди.

"Умра + дастури" доирасида туризм соҳасида ҳамкорликни фаоллаштириш, жумладан, бангладешлик зиёратчиларни транзит қилиш учун Ўзбекистон сайёҳлик инфратузилмасидан фойдаланиш режалаштирилмоқда", - дейилади хабарда.

Ўзбекистон мусулмонлари идораси матбуот хизмати