Мир Араб олий мадрасаси талабаси грант соҳиби бўлди

Жорий йилнинг 27 октябр куни Xushnudbek.uz  телеграм платформасида талабалар ўртасида умумий қиймати 400 миллион сўмлик таълим гранти танлови эълон қилинган эди. Ушбу лойиҳанинг асосий мақсади – таълимга инвестиция киритиш, иқтидорли, билимга чанқоқ ва мақсадли ёшларни қўллаб-қувватлаш, уларнинг келажакдаги таълим ҳамда касбий ривожланишига кўмак беришга қаратилган.

Танловда республиканинг турли олий таълим муассасаларидан 3000 дан ортиқ иқтидорли талабалари қатнашди. Қувонарлиси, мазкур лойиҳа доирасида Мир Араб олий мадрасасининг 2-босқич талабаси Дилшод Норбоев ҳам муваффақиятли иштирок этиб, таълим грантини соҳиби бўлди. Бу ютуқ унинг меҳнатсеварлиги, изланишлари ва илмга бўлган юксак интилишининг амалий натижасидир.