Хушхабар: Ўзбекистоннинг катта магистрал йўллари бўйида масжидлар қурилади!
Аллоҳ таолонинг инояти билан Ўзбекистон мусулмонлари идораси ташаббуси, яхши инсонлар шарофати натижасида “Тошкент–Термиз” – М-39 автомагистрал йўлининг Жиззах вилояти Пахтакор тумани “Буюк ипак йўли” қишлоғи ҳудудидан ўтувчи катта магистрал йўл ёқасидаги 70 сотох ер майдонида ҳамда “Тошкент–Андижон–Фарғона–Наманган” А-373 халқаро автомобил йўлининг Ангрен шаҳар “Ёшлик” маҳалласи ҳудудидан ўтувчи катта магистрал йўл ёқасидаги 70 сотох ер майдонида барча қулайликларга эга бўлган иккита замонавий йўловчи жоме масжидлар қурилади.
Ҳозирда ҳар икки масжидни қуриш бўйича туман ва шаҳар ҳокимлик қарорлари чиқарди ва смета лойиҳа ишлари бошлаб юборилди.
Ушбу масжидлар юртимиз ва хорижлик мўмин-мусулмонларнинг ибодатларини тўкис адо этиши, зиёрат туризимининг янада тараққий этишига катта хизмат қилади, иншоаллоҳ!
Аллоҳ таоло юртимизда амалга оширилаётган ислоҳотлар, хайрли ишларга файзу-футуҳ ато этиб, илоҳий баракотини зиёда қилсин!
Ўзбекистон мусулмонлари идораси масжидлар бўлими
Ctrl
Enter
Xato topdingizmi
Bizga junating Ctrl+EnterBoshqa ma`lumotlar:
Татаристонда Бутунроссия қориялар мусобақаси ўтказилади
Индонезия уламолари Ўзбекистонга келади
Ўзбекистон Республикаси Президенти Шавкат Мирзиёевнинг Хотира ва қадрлаш кунига бағишланган тантанали маросимдаги нутқи
Давлат раҳбари томонидан адашганларга нисбатан олиб борилаётган сиёсатда кечиримлилик тамойили ва унинг аҳамияти
Шаввол ойининг олти кунлик рўзаси ва унга қандай дуо қилинади?
Неъматларга ношукурлик, уларнинг қадрига етмаслик оқибатлари.
Izohlar (0)