Qosim shayx xonaqohi

Sayyid Olimxon tomonidan dahma qurilib, unga Amir Abdulahadxon qabri joylashtiriladi; Qosim Shayx xonaqohi xonaqoh, goʻrxona, masjid, ayvon va Amir Abdulahadxon dahmasi, hujralar va boshqa xonalardan iborat. Dastlab Buxoro xoni Abdullaxon ikkinchi buyurtmasi bilan Qosim Shayx uchun xonaqoh bunyod etilgan (1558). Shayx vafotidan soʻng xonaqohning sharq tarafidagi hovliga dafn etilgan. Xonaqoh chortoq tarhli, qoʻsh gumbazli (poygumbaz balandligi 14 m), ichki gumbaz osti bagʻallari iroqi muqarnaslar bilan toʻldirilgan. Tarzining 3 tomoni peshtoqli; janubiy peshtoq hashamatliligi bilan ajralib turadi. 1910 yilda atrofi devor bilan oʻralib, hazira tarzida qoʻshimcha binolar (ziyoratxona, masjid, ayvon va boshqa xonalar) qurilgan. SSSR davrida boshqa arxitektura yodgorliklari singari Qosim Shayx Azizon majmuasi ham qarovsiz ahvolda qoldi. Majmuadagi ko‘plab tarixiy ashyolar izsiz yo‘qoldi, devorlar nurab ketdi. 1999-2000 yillarda Islom Karimovning tashabbusi bilan majmua qaytadan obod maskanga aylantirildi. Bugungi kunda Qosim Shayx xonaqohiga ko‘plab turistlar tashrif buyurishmoqda.