Press-tur ishtirokchilari Qosimshayh majmuasida

Maʼlumotlarga koʻra, ushbu majmua 16-asr oʻrtalarida barpo etilgan.
Qosimshayx Azizon hazratlariga bagʻishlab, Buxoro xoni Abdullaxon II tomonidan qurilgan. Sababi tarixiy maʼlumotlarga koʻra, Qosimshayx hazratlari Buxoro xonining aziz ustozi boʻlgan.
Majmua ichki va tashqi hovli, masjid, xonaqoh hamda ularni ajratib turuvchi dahlizlardan iborat.
2014-yil ushbu qadamjo restavratsiya qilingan.
— Tarixdan maʼlum, XVI asrda xonliklar oʻrtasida koʻp nizo va janglar boʻlib turgan. Ana shunday paytlarda Qosimshayx hazratlari tinchlik yoʻli bilan sulh tuzib, nizoni bartaraf etgan. Shu sabab Buxoro xoni ustozidan diniy va dunyoviy ishlarda hamisha maslahat olib turgan. Shu bilan birga koʻplab shogirdlariga tariqatdan dars bergan. Ularning hurmatiga xon xonaqoh barpo ettiradi va ustoziga “Azizon” (aziz va mukarram) degan nom beradi. Afsuski, hazratning kitoblari bizgacha yetib kelmagan, — deydi Qosimshayx jome masjidi imom xatibi Mustafo Yunusov.
Yulduz Oʻrmonova