Қуръону Карим ҳақида илмни мустаҳкамлаб...

Қурʼон (арабча: القرآن оʻқимоқ, қироат қилмоқ) — мусулмонларнинг асосий муқаддас китоби. Ислом эʼтиқодига коʻра, Қурʼон ваҳий орқали Муҳаммад пайгʻамбарга 610—632 йиллар давомида нозил қилинган Аллоҳнинг каломи (Каломуллоҳ). Қурʼон „Китоб“ (ёзув), „Фурқон“ (ҳақ билан ботилнинг орасини айирувчи), „Зикр“ (еслатма), „Танзил“ (нозил қилинган) каби номлар билан аталиб, „Нур“ (ёругʻлик), „Ҳудо“ (ҳидоят), „Муборак“ (баракотли), „Мубин“ (очиқ-равшан), „Бушро“ (хушхабар), „Азиз“ (еʼзозланувчи), „Мажид“ (улугʻ), „Башир“ (башорат берувчи), „Назир“ (огоҳлантирувчи) каби соʻзлар билан сифатланган. Ислом оламида Қурʼон мусʼҳаф номи билан ҳам машҳур. Ислом уламолари Қурʼоннинг 30 хил ном ва сифатларини санаб оʻтганлар. Ҳозир сизлар билан Қуръону Карим ҳақидаги баъзи малумотларни билиб, ва ёки мустаҳкамлаб оламиз.

1 Қуръоннинг исми фурқон

2 Қуръоннинг лақаби. Мажид

3 Қуръоннинг  тили. Арабий

4 Қуръон нозил бöлган йил. 611 милодий йили

5 Қуръон нозил бöлган ойи. Рамазон ойи

6 Қуръон нозил бöлган кеча. Қадр кечаси

7 Қуръон нозил бöлган жой. Макка ҳиро ғори

8 Ваҳийни юборган. Аллоҳ Таъоло

9 Ваҳийни қабул қилган. Муҳаммад Саллоҳу Алайҳи Васаллам 

10 Ваҳий фариштаси. Жаброил Алайҳи Салом

11 Биринчи нозил бöлган оят (إقْرَأْ بِاسْمِ رَبِّكَ الَّذِي خَلَقَ)

12 Охирги оят. (الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا ۚ )

13 Биринчи нозил бöлган сура. Муддассир сураси

14 Охирги нозил бöлган сура. Наср сураси

15 Энг буюк сура. Бақара сураси

16 Энг кичкина сура. Кавсар сураси

17 Энг баракатли оят. Оятул курси

18 Энг буюк оят. Бақара суранинг 286 ояси

19 Энг кичкина оят. (مُدْهَامَّتَانِ)

20 Қуръоннинг онаси. Фотиҳа сураси

21 Қуръонни қалби. Ёсин сураси

22 Қуръоннинг  келини. Раҳмон сураси

23 Қуръон ҳаммаси. Бир мужаллад

24 Нозил булган муддат. 23 йилда

25 Қуръон неча жуз. 30 жуз

26 Қуръоннинг суралари. 114 та

27 Қуръоннинг  ҳизби. 120 ҳизб

28 Қуръоннинг  ояти. 6236 = 6666

29 Қуръоннинг саждалари. 14 сажда

30 Қуръоннинг рукуълари. 540 та

Бақара сурасининг охиридаги икки оят ҳақида бир қанча ривоятлар келган. Жумладан: Имом Насаий ибн Аббосдан қилган ривоятда қуйидагилар айтилади: «Расулуллоҳ алаҳиссолату вассалом Жиброил билан ўтирган эдилар. Юқоридан бир овоз эшитилди. Жиброил осмонга бурилиб қаради-да: «Бу осмоннинг эшикларидан бири, ҳеч очилмаган эди, бугун очилди», деди. Ундан бир фаришта тушди ва Пайғамбар алайҳиссолату вассаломнинг ҳузурларига келиб: «Суюнчи, сендан аввалги Пайғамбарларга берилмаган икки нур сенга берилди, сураи Фотиҳа ва Бақара сурасининг охири. Улардан ўқиган ҳар бир ҳарфингга, албатта,(савоб ва жавоб) бериласан», деди».

Имом Аҳмад ривоят қилган ҳадисда Пайғамбар алайҳиссалом: «Сураи Бақаранинг охирги икки оятини ўқи, улар менга аршнинг остидаги хазинадан берилган», деганлар.

Бошқа бир ҳадисда: «Ким Бақара сураси охиридаги икки оятни бир кечада ўқиса, кифоя қилади», деганлар...

285. Пайғамбар унга ўз Роббисидан туширилган нарсага иймон келтирди ва мўминлар ҳам. Барча Аллоҳга, Унинг фаришталарига, китобларига, Пайғамбарларига иймон келтирди. Унинг Пайғамбарларининг бирорталарини ажратмаймиз. Ва эшитдик ва итоат қилдик, (эй Роббимиз), мағфиратингни сўраймиз ва қайтиб бориш Сенгадир, дедилар.

286. Аллоҳ ҳеч бир жонни тоқатидан ташқари нарсага таклиф қилмас. Фойдаси ҳам ўз касбидан, зарари ҳам ўз касбидан. Эй Роббимиз, агар унутсак ёки хато қилсак, (иқобга) тутмагин. Эй Роббимиз, биздан олдингиларга юклаганга ўхшаш оғирликни бизга юкламагин. Эй Роббимиз, бизга тоқатимз етмайдиган нарсани юкламагин. Бизни афв эт, мағфират қил ва раҳм эт. Сен хожамизсан. Бас, кофир қавмларга бизни ғолиб қил.