Муфтий ҳазрат “Вақф” фонди меҳмонхонаси фаолияти билан танишдилар

2023 йил 13 март куни Ўзбекистон мусулмонлари идораси раиси, муфтий Нуриддин домла ҳазратлари Сурхондарё вилоятига ташрифлари давомида Ҳаким Термизий зиёратгоҳи яқинида жойлашган “Вақф” хайрия жамоат фонди тасарруфидаги меҳмонхона фаолияти билан яқиндан танишдилар. Сурхондарё вилояти бош имом-хатиби Алиакбар домла Сайфуддинов ва “Вақф” хайрия жамоат фонди Сурхондарё вилояти филиали раҳбари Абдусалом Фатуллаев ҳамроҳлик қилди.

Муфтий ҳазратлари ташриф асносида меҳмонхонада зиёратчилар учун яратилган шарт-шароитлар билан яқиндан танишиб, иш фаолиятни янада ривожлантириш юзасидан тавсияларни бердилар.

Маълумот ўрнида, меҳмонхона 70 ўринга эга бўлиб, люкс ҳамда ярим люкс хоналарни ўз ичига олади. Яна бир жиҳати меҳмонхонанинг Тошкент-Термиз халқаро магистрал йўлининг ёнида эканлиги. Бу эса Исо Термизий, Султон Саодат, Кампиртепа, Фаёзтепа ҳамда Ҳаким Термизий зиёратгоҳ ва тарихий ёдгорликларига тез фурсатда етиб олиш имконини беради.

Меҳмонхона фаолиятидан келиб тушган маблағлар вақф мулкларини тасарруф этиш ҳамда хайрия мақсадлари учун ишлатилади.

Ўзбекистон мусулмонлари идораси Матбуот хизмати