“Ислом фиқҳи асослари” — мазҳабларнинг илмий асосларини очиб берувчи муҳим асар

Сўнгги пайтларда “Мазҳаб нимага керак?”, “Ўзимиз Қуръон ва суннатдан ҳукм олсак бўлмайдими?” дегувчи тоифаларга раддия бўладиган китобларга юртимизда эҳтиёж катта эди.

Бу борада Ўзбекистон мусул­монлари идораси раиси­нинг биринчи ўринбосари Устоз Ҳомиджон қори Ишматбековнинг “Ислом фиқҳи асослари. Тўрт мазҳаб имомлари” китоби айни шу саволларга ечим саналади.

Ушбу китобда Ислом фиқҳининг пайдо бўлиш тарихи ва илдизлари, мавжуд тўрт мазҳабнинг айнан Қуръон ва суннатга асослангани ва динимизнинг замонлар оша юзага келадиган муаммоларни ҳал қилишда айнан мазҳаб уламолари жорий қилган усул ва қоидаларга асосланиши баён этилган.

Шунингдек, китобда “Қуръоннинг бўлак-бўлак ҳолда нозил қилиниш ҳикмати”, “Маккий ва маданий сураларнинг бир-биридан фарқи”, “Пайғамбар алайҳиссаломнинг ўз саҳобаларига ижтиҳод қилишга рухсат беришлари”, “хулафои рошидин даврида шариат”, “Ислом шариатининг учинчи манбаси ижмоъ”, “тобеъинлар ва табаа тобеъинлар даврида ижтиҳод” каби мавзулар ҳам баён этилган. 

Бир сўз билан айтганда, “Ислом фиқҳи асослари” китобини ҳар бир мўмин-мусулмон ўқиб чиқиши шарт бўлган китоблар сирасига киритиш мумкин.

манбаа: Ўзбекистон мусулмонлари идораси Матбуот хизмати