Yurtimizda ijtimoiy-iqtisodiy va diniy sohada olib borilayotgan islohotlar mohiyati

    Assalamu Alaykum, aziz mushtariy! Avvalambor Allahimizga cheksiz hamdlar, payg'ambarimiz Muhammad Mustafo s.a.v. ga salovatu salomlar bo'lsin deb, yurtimizda bo'layotgan islohotlar haqida siz bilan ozmi-ko'pmi bo'lishamiz.

   Yurtimiz mustaqillikga erishgandan so'ng, vatanimizda juda ko'plab o'zgarishlar, islohotlar olib borildi. Ayniqsa so'nggi yillarda olib borilayotgan jadal o'zgarishlar surati ko'p jabhalarda o'z aksini namoyon qilmoqda. Bu o'zgarishlar jamiyatimiz, xalqimiz, vatanimiz uchun ijobiy ta'sirini ko'rsatib kelayapti. 

    Bugungi kunda Respublikamizda 16ta diniy konfessiyaga mansub 2238ta diniy tashkilot, 130dan ortiq millat vakillarini o'zida jamlagan 140ga yaqin milliy-ma'daniy markaz, Imom Buxoriy nomidagi Toshkent islom instituti, 9ta o'rta-maxsus islom bilim yurti, pravoslav va protestant seminariyalari faoliyat olib bormoqda. Ularda talabalar diniy ilmlar bilan bir qatorda dunyoviy ilmlarni olish imkiniyatiga ham egalar. 2017-yil 6-sentabr kuni Buxoro viloyatining "Mir-Arab" oliy madrasasining ochilish marosimi bo'lib o'tgan, bu ham diniy sohadagi katta bir islohotlar samarasidir. Axir, yurtboshimiz: "Kelgusida chuqur bilimli imom-xatiblar, islomshunos mutaxasislar, ulamolar tayyorlashda, eng muhimi, farzandlarimizni buyuk ajdodlarimizning bebaho merosi ruhida, sog'lom e'tiqod ruhida tarbiyalashda bu ilm dargohlari tayanch bo'lib xizmat qiladi" - deb, takidlashlari ham, yurtimizdagi farzandlar bilimini oshirishda turtki bo'ladi.

    Iqtisodiy islohotlar esa, yangi ish o'rinlarini yaratish uchun asosiy omil hisoblanadi. Bizga yaratilayotgan imkoniyatlar, o'z kasbimizni rivojlantirish yo'lidagi qulayliklar, bilim va hunar o'rganish uchun olib borilayotgan islohotlar natijasidir. Ko'plab korxona va fabrika orqali ish o'rinlari yaratilishi suratini oshishi ham iqtisodiy islohotlar samarasidir.

    So'ng yillarda qariyalar pensiyalari oshishi, oylik ish haqqining ko'paytirilishi, bola pullari berilishi to'g'risidagi yangi qarorlar, qonunchiligimizga fuqaro manfaatlarini o'ylab o'zgarish va imtiyozlar kiritilishi o'z navbatida ijtimoiy o'sishga va o'zgarishga ham sabab bo'lmoqda. Ijtimoiy o'zgarishlar bizni shaxs sifatida shakllantirib, bilim olishga, yaxshi turmush tarziga, huquqlarimizni himoya qilinishiga ham tayanch o'laroq xizmat qiladi.

    Bir so'z bilan aytganda, yurtimizda ijtimoiy-iqtisodiy va diniy sohadagi olib borilayotgan islohotlar mohiyati bir-biri bilan chambarchas bog'liqdir. Bu olib borilayotgan islohotlar mohiyati shundan iboratki bizni, xalqimiz, vatanimizni yuksalishi, rivojlanishi, manfaatlari uchun xizmat qilib keladi.