Сизнинг қаҳрамонингиз ким

Биз ҳаётимиз йўлларида юриб борар эканмиз, синовлардан ўтиш учун кимдандур ибрат ва куч оламиз. Болажонларимизнинг ўзлари ҳавас қиладиган мултфилм ва кинодаги ғайритабиий кучга эга бўлган қаҳрамонлари бор. Болалар ўзлари ҳавас қиладиган қаҳрамонларга тақлид қиладилар, улардек бўлишга ҳаракат қиладилар ва уларнинг ҳаётларида яшашни орзу қиладилар. Бу нарсага уларни ўша қаҳрамонда кўрган ақли, илғорлиги, ғайритабиий кучи ва ҳоказо яхши ҳислатлари ва ҳар томонлама мукаммаллиги сабаб бўлади. Бундай қаҳрамонлар ҳаммамизда ҳам бор. Улғайган кишилар ҳам ўзларининг қаҳрамонларига эга бўлиб, ҳаётда қоқилсалар, у нима қилган бўларди, каби саволни ўзларига берадилар. Хўш, сизнинг қаҳрамонингиз ким? Биз мусулмон одамлар динимиз аҳком ва одобларидан куч оламиз, уларни ҳаётимизга тадбиқ этишга ҳаракат қиламиз. Мусулмон инсон учун қаҳрамон бўла оладиган инсонлар нутқлари, ибратли сўзлари, ёки ҳаёт ёълларидан кичик мисол келтирсам, балки сиз ҳам булар орасида ўз қаҳрамонингизни учратарсиз ва ёки, унга эга бўларсиз.

Абу Бакр Сиддиқнинг р.а. ҳикматли сўзлари.
Авсат ибн Исмоил айтади:"Расулуллоҳ с.а.в. вафотларидан 20 кун ўтиб Абу Бакр р.а. минбарга ҳутба қилиш учун кўтарилдилар.
"Ўтган йили мана шу ўринда,-дедилар у зоти шариф,- Расулуллоҳ с.а.в. турган эдилар". Шу гапни айтиб йиғлаб юбордилар. Сўнг сўзларида давом этиб:"Ей, инсонлар, сиддиқ ростгўйликни маҳкам тутинглар.Чунки сиддиқ яхшилик билан бирга ва у иккаласи жаннатдадир. Ёлғондан сақланинглар, чунки ёлғон фужур билан бирга ва иккаласи жаҳаннамдадир. Аллоҳ азза ва жалладан офият-омонлик тиланглар. Чунки иймондан кейин бандага офиятдан кўра яхшироқ нарса берилмаган.Ўзаро алоқаларингни узманглар, адоватлашманглар, бир-бирларингга ҳасад, ғазаб қилманглар ва Аллоҳнинг оға ини бандалари бўлинглар",дедилар".

Мўминларнинг адолатли амири Умар ибн Ҳаттоб айтадилар:
Мен учун энг севимли киши хатоларимни кўрсатган инсондир. Мен учун энг афзал инсон адолатга зид иш таклиф қилинганида, манфаатли бўлишига қарамасдан, рад эта олган инсондир.

УСМОННИНГ БИРИНЧИ ХУТБАЛАРИ​​​​

Усмон Зиннурайн сайлов тугаб, халифалик мансабига эга бўлганларидан кейин аста минбарга кўтарилиб, одамларга қарата мана бу мазмундаги нутқни сўзладилар:
«Эй одамлар, албатта сизлар ҳозир вақтинчалик кулбадасизлар. Муддатли умрни яшайсизлар. Шундай бўлгач, вақтларингизни иложи борича яхши амаллар қилиш билан ўтказинглар, дунёдан эрталаб келиб, ё пешинда, ё эса кечқурун кетгандек кетасизлар. Огоҳ бўлингларки, дунё кишини алдовчи нарсадур. Сизларни дунёда тирик туришингиз алдаб қўймасун. ОЛЛОҲнинг ёдидан бир нафас ҳам бепарво қилиб қўймасун. Узларингиздан аввалги яшаб ўтган авлодларингиз ҳолидан ибрат олинг. Кейин эса жиддий ҳаракатга тушинг, ғафлат ила азиз умрингизни беҳудаликлар йўлида ўтказиб юборманг. Зотан, амал сиздан ҳаргиз ғолиб қолмагай. Айтингчи, қани бу дунёни азиз кўриб жон-диллари ила меҳр-муҳаббат қўйиб яшаганлар, уларни ҳам дунё ўз оғзидан тупуриб ташладими? Дунёни ОЛЛОҲ қаерга отган бўлса, сизлар ўша ерга етинглар-да, охират ҳастини истайдиган бўлинглар. Зеро, Оллоҳ таоло охират ҳаётини дунё ҳастидан кўра яхшироқ деб таърифлади. Дунё ҳаёти ҳақида шаъни буюк ОЛЛОҲ мана бундай деди: «Дунё ҳаётини уларга зарбулмасал қилиб беринг, у гўёки биз сувни ерга туширдик, кейин у сув ёрдамида ерда ўсимликлар ўсди, кейин эса шамол учирадиган хазонга айланди». ОЛЛОҲ нарсани ўлчовли қилгандур. Моллар ва фарзандлар дунё ҳаётининг бир зийнати холос. Абадии қоладиган яхши амаллар эса ОЛЛОҲ олдида савоби улуғ ва яхшилиги умидлироқ», дея сўзларини тугатдилар.

Ҳазрати Али ибн Абу Толиб ўгитлари

* Ўликларни чиройли (сабр билан) кузатинг.

* Доим умид ва қўрқув ичида бўлинг.

* Узун орзулар охиратни унуттиради. Нафснинг ҳой-ҳавасларига берилиб ухлаш эса кишини ҳақдан узоқлаштиради.

* Ҳаммага салом беринг, сизга берилган саломга муносиб ёки ундан ҳам гўзал алик олинг.

* Яхшилик ва тақво ё‘лида бир-бирингизга ёрдам беринг. Ёмонлик ва ҳақсизлик ё‘лида эса бир-бирингизга ёрдам берманг ва Аллоҳдан қўрқинг. Зеро, Аллоҳнинг азоби чидаб бўлмайдиган даражада оғир ва шиддатлидир.

* Ўзингизни ерга урадиган ҳазил-ҳузулдан йироқ бўлинг.

* Бир-бирингизга жаҳл қил­манг.

* Кучсизга, мазлумга, қарз­дорларга, Аллоҳ ё‘лидагиларга, ё‘лда қол­ганларга, сиздан ёрдам сўраганларга ёрдам кўрсатинг.

* Яширинча садақа беринг, чунки садақа гуноҳ­ларга каффорат бўлади ва Аллоҳ­нинг ғазабини сўн­диради.

* Яхшилик қилинг, чунки яхшилик қилиш ёмон ўлим топишнинг олдини олади ва ёмон йиқилишлардан сақлайди.

* Муттақийларга ва’да қилинган яхшиликларни истанг, чунки Аллоҳ таолонинг ва’даси ва’даларнинг энг тўғрисидир.

* Қалбларга жойлашадиган нарсаларнинг энг хайрлиси имондир.

* Кейинчалик (динга) қўшилган (асли ё‘қ) ҳар бир нарса бид’атдир. У нарсани динига қўшган кимса бид’атчидир. Ким бид’атларга берилса, динини ё‘қотган бўлади.

* Чинакамига зарар кўрган одам динида зарар ва талофат кўрган кимсадир.


Қосим Шайх масжиди ноиб имоми Истамжон Хамраев