O'zgalar xatosini kechirish Allohning rahmatiga sabab bo'lishi

   Bu oyati karimalardan kechirgan insonni Alloh ham kechirishi, unga nisbatan rahmda bo'lib, uni Allohning o'zi mukofotlashi haqida bilib olamiz, Allohning mukofoti esa har narsadanda ulug'dir! Musulmon kishi bu hayotning o'tkinchi va sinov uchun berilganini his qilib, qalbdan katta, yoki kichik xatolarga qaramasdan hammasini birday kechirishni o'rganishi kerak, bu ham ruhimiz uchun bir tarbiyadir. Alloh taolo bizni qanchalik kechirishini istasak, uni rahmati va mukofoti bizga qanchalik kerak bo'lsa, demak Alloh uchun kechirish haqiqiy mo'min kishi uchun qiyin ish bo'lmaydi. Bu o'tkinchi dunyoda bizdan faqat yaxshilik qoladi, o'z o'rnida haq bo'la turib ham uzur so'rashimiz, yoki kechirib yuborishimiz chin musulmonga xos oliy fazilat ekanini unutmasligimiz darkor! Ko'pkina ilmiy tadqiqotlar ham kechirimli insonlar hayotida ruhiy tushkunlik(mahzunlik), stres, siqilishlar oqibatida yuzaga kelishi mumkin kasalliklar kam uchrashini va bunday hayot sog'lik uchun koni foyda ekanini takidlashgan. Axir, jaxlni tiymaslik, kechira olmaslik kin va adovatni urug'ini ham qalbga ekib qo'yishi mumkin. Buning oqibatida bizda yurak hastaliklari, qonda yallig'lanish bilan bog'liq oqsillarni ham ko'paytirib yuborishi ehtimoldan holi emas. Alloh taolo naqadar bandalariga mehribon bo'lgan rahmli zotdir! U biror ishdan bejiz qaytarmas va biror ishga bejiz buyurmasligini yana bir bor bilib oldik! Xulosa qilib aytganda kechirimli bo'lish musulmonlarga xos fazilat bo'lib, bu dinimiz ko'rkidur. Bu fazilat bilan oilamiz, jamiyatimiz, ruhimiz, dinimiz sog'lom bo'lar ekan. Bu foniy dunyoda bizdan faqat yaxshilik va avf qolsin azizlar.