O‘zbekiston musulmonlari idorasi raisi, muftiy Usmonxon Alimov vafoti munosabati bilan xalqaro miqyosdagi tashkilotlar tomonidan hamdardlik maktublari kelmoqda

Bizlarga bir musibat yetdi. Birodarimiz Shayx Usmonxon Alimov vafot etdilar. Albatta, bizlar Allohnikimiz va Unga qaytguvchimiz. Alloh taolo u kishini o‘z rahmatiga olsin va jannatlaridan joy ato qilsin. Shayx Usmonxon Alimov xalq suygan, samimiy, aziz inson edilar. Men u kishini 1990-yildan beri taniyman. U kishi Marokashning Fas shahriga kelganlarida birinchi bo‘lib men kutib olgan edim. U kishini sakkiz oy uyimda mehmon qilib, arab tilidan saboq berganman. So‘nggi bor 2007-yil Toshkent shahrida uchrashgan edik.

Alloh taolo u kishini o‘z rahmatiga olsin, ahli oilalariga sabri jamil ato aylasin.

Alloh taolo muftiy Usmonxon Alimov hazratlarini siddiqlar va solihlar bilan birga aylasin. Ya Rabb.

Alloh taoloning qazosiga iymon keltirgan va uning hukmiga rozi bo‘lgan holda...

O‘zbekiston musulmonlari idorasi raisi, muftiy, fazilatli shayx Usmonxon Alimovning vafoti munosabati bilan chuqur mahzunlik va qayg‘u izhor etadi:

Albatta, bizlar Allohnikimiz va Unga qaytguvchimiz. Alloh taolo u zotning pokiza ruhini o‘zining rahmati bilan o‘rasin va keng jannatlaridan joy ato etsin. Bu dunyodagi maskanlaridan ko‘ra xayrli maskan, ahllaridan ko‘ra, xayrli ahl nasib aylasin. Barchalarimizga sabri jamil ato aylasin.

U kishining ahli oilalariga va butun islom olamiga o‘z umrini O‘zbekiston hamda O‘rta Osiyo musulmonlari xizmatiga baxshida etgan ulug‘ olimlardan biridan judo bo‘lgani munosabati bilan hamdardlik bildiramiz.

 

 

Boqiylik va barhayotlik Allohga xosdir. Alloh taolo ajringizni ulug‘, musibatingizni yengil qilsin. Marhumni mag‘firat aylab, uni solihlari qatoriga qo‘shsin. Albatta, bizlar Allohnikimiz va Unga qaytguvchimiz. Allohim u kishini mag‘firat et, o‘zing rahm ayla, so‘roqlarini oson qil, qabrlarini munavvar va keng ayla. U zotni musaffo suvlar bilan yuvgin va xato-yu gunohlarini ketkazgin. Va solihlar qatorida qabul qilgin.

Манбаа: muslim.uz